(( کونلوم ))
حسرتین چکدیگیم آی آنا یوردوم
هر زامان هجرینده یانیبدی کونلوم!
نیسگیلی اولائیین، سینه مه چوکور
سنسیز وارلیغیمی دانیبدی کونلوم!
* * * * * * * * * * * * * **
منلیگیـــم سنـده دیـــر، آتمارام سنـــــی
دوغمادان – دوغماسان ساتمارام سنی
شیرین سن، آجی ئیا! قاتمارام سنی
آنا لایلالارین، آنیبدی کونلوم!
* * * * * * * * * * * * * **
"خان چوبان" یار گزیر موغاندا-میل ده
سارای تک عصمتلی یاریم وار ائلده
اوخونور نغمه سی هله ده، دیلده
"هارای"لی بیر حسرت قانیبدی کونلوم!
* * * * * * * * * * * * * * *
شاعیر : ابوالفضل دادا
(حسرت غزلی )
آراز تك آخيرام سنــــه آي گؤزل
دالغالان بيرجه وئر منه هاي گؤزل
محببت وورغونو سئوگي يولچوسو
بو یولدا ائللره سال هارای گؤزل
باغلانيب دوداغيــم دينـــه بيلميــرم
قورخورام دييه لر منه گاي گؤزل
حسرتده ن اینانکی ده لی اولموشام
گورنده اوشاقدا قویور بای گؤزل
قورخورام بو هیجران ویصال اولماسین
چَرله ييب سؤزلريم اؤله داي گؤزل
دويغومو سن تكي دويان هاردا وار؟!
گؤرمه ديم اؤلكه ده سنه تاي گؤزل
گل يئتيـش دادا بير يازيغيق يازيق
عــدالت باغيندان بيزه پاي گؤزل
قاش قاباق ساللاييــر نه یامان فلک
عؤمروموز سوروندو نه قولاي گؤزل
دوزلوگــون بازاري كـاسـاددي بتر
ايگيدلــر امه يي اولور زاي گؤزل
اوُچــــولار اليـنـدن اوچـــا بيلميرم
گؤرجه يين چكيرلر منه ياي گؤزل
قارقالار اؤنــونــده قانـاد آچمايـان
يارالـــي بولبولــه دئنه واي گؤزل
ايسته سن دويغومو چيچكلـه نه تئز
قويما چوخ تك قالام مني ساي گؤزل
پس هاچان سن دادا يئته جكسن آخ ؟!!
آماندير آماندير گئل هــاراي گؤزل
شعر: (هاراي)دان (( غربت لیک))
نه يامان درديميش آيرليق، غربت!
باتيرام خيالا، يانيرام حسرت
آنا قوجاغيندا، ياتان اوشاق تك!
دكسيينيب، قوسورام زهــرلي شربت
............................................
اوزاق ائلين، اسه ن يئلي يامان دير!
گوز اونوم ده، گول-چيچگي تيكان دير
انام منه لايلاسيندا اوخشاييب،
سنين بالا! دوغما "آنا"ن موغان دير!
............................................
هــر آخشام باتيرام، درين خيالا
قارا چوغام ياتيب، چتين!! آييلا
اوز يوردومون وورغونيام نئيله ييم!؟
قوي بو نغمه م ائلده ن ائله ياييلا
............................................
حسرت اودو آرزيلاري يانديرار
آيريليغيز، سئوينجيمي دوندورار
خيال قوشو قاناد آچار هــر آخشام
آنا يوردون، قوجاغينا قوندورار!!
.........................................
غربت جايناغيندان، قاچا بيلميره م
يارالي بير قوشام، اوچا بيلميره م
طالع ساليب، مني غملي كمنده
پيرتلاشيق دوگونون، آچا بيلميره م
............................................
غربت ائلده، جاوان جانبم ، قوجالار
گئجه- گوندوز ، آه-ناله م، اوجالار
دويغولانيب، مين خيالا عومورلوك
نئيله ميشم، قانلي فلك باج آلار
.........................................
ايلان تك اوسونا ساليبدير مني!!
خوش ناغيش بيليرديم چاليبدير مني!!
دونيانين آغلاتماق اولوب پئشه سي
ده ده سيز، اوشاق تك بيلييبديرمني!!
...........................................
"هاراي" غربت ليكده آغلادير بيزي
جوشوب دريا كيمي چاغلادير بيزي
ايگيد ائلين آتمير، ائلده ايگيدي
بـــو علوي محبتدير، باغلادير بيزي
.............................................
بيرينجي مكتوبا جاواب: ( سخا) دن
آ،! قارداش سن چاليش، آلقيش دئسين لر
اولارمـي قارتالا، بايقوش دئسين لـر!؟
هر فصلين، اوزونون گوزه ليگي وار
كوروبسان ياي- يازا! هئچ قيش دئسين لر!؟
..................................................
درين خيالارا دوشه سن گره ك
محبت اودوندا پيشه سن گره ك
عشقين مكتبينده ن درس آلماق ايچون
فرهاد تك داغلاري دئشه سن گره ك
...........................................
گونول قوشون قوي سر حدسيز اوچالار
قارتال اولا، دار قفسده قوجالار
انسان اوغلو دؤزنمه سه دردغمه
اوندا كــده ر، آرزيلاردان باج آلار
............................................
بئللي دئييل" سخا " دونيانين ياشي
قورولوبدور هر باش اوسته بير داشي
بير مثل دير، ائل آراسي دييلله ر
اولميوب دير، ائلين او باش، بو باشي
............................................
سوسموشام . . . عنوالی بیر( دئیشمه ) شعری:
قوجا)
"سخا" قارداش، سسین گلمیر هارداسان؟
سنسیز" قوجا"، دوزه بیلمیـر هارداسان ؟
_ _ _ _ _ _ _ _ _ _ _ _ _ _ _ _ _ _
سخا)
اوزومده سوسموشام یازیلاریم دا
دئشمه گه ل سینه مین، یاراسین قوجا !!
ساوالان قاری تک، آغاریر ساچیم
آغ ساچی کیم اولار، داراسین قوجا !!
قوجا)
دانیشماق گوموش سه، سوسماق قیزیلدیر
گوزومون ببگی-قاراسی، قارداش!!
آغاران ساچین تک، بختین آغارسین
منیم جئیاریمین پاراسی، قارداش!!
سخا)
بیر گیزلین درد منی سارسیدیر یامان
کسیبدیر قارشیمی، شهلی کور دومان
دئیللر هر ایشی دوزه لدیر زامان
"خان چوبان" ایتیریب، ساراسین قوجا!!
قوجا)
دم- دمی گتیره ر، غم-غمی گولوم
بو دونیا عارسیزین، همدمی گولوم
هله بیزه ساتیر، چم-خمی گولــــوم
صبیرلی اولماقدیر چاراسی قارداش!!
سخا)
چوغول صفتینده ن اوسانمیر هله!
الینه چم دوشوب، سالیر ولولـــــه!
بئله قارالائیب،قویوب انگلـــــــــــه!
دوزمک ده ائله میر، چاراسین قوجا!!
قوجا)
فلک! شئش-بئش آتیر اودور لیلاجی
نه قارداش تانئیر؛ نه ده کی باجی
"قوجا"نین الینده ن دوشوب آغاجی
اوننان دا؛ اولمائیب! آراسی قارداش !!
سخا)
باشلائیب منیمله، بو فلک بئله
آرزی-دیلگیمی، وئریبدیر یئله
"سخاوت"دئیرسن؛! یاشاسین! هله
چوخ چکمه ز! ائل گیه ر؛ قاراسین قوجا!!
// 30/8/87 موغان //
* * * * * * * * * * * * * * * * * * * * * * * * * * * * * ** * *
شعر: افشین-ق (هارای)
گومان یوخدو
بودنیایا، بئل باغلاما اینان توتوب قالان یوخدو
گوَونمه او،وار-دولته،عومروساتان-آلان یوخدو
اوره گینیــن باخجاسینا، محبتین توخومون سئپ
الله وئره ن سئوگي لره، زاوال يوخدو تالان یوخدو
اوكونلونون، آیناسیناهرگون سحر دوروب باش وؤر
سییل تمیزله سننن باشقا اونا نظرسالان یوخدو
جوشغون اولسون قوي سينه ده،دايانارسا، داشا دؤنر
داش اوره كلي انسانلارا، كده رلنيب، سولان یوخدو،
واخ داریخیب ، ایاق ده برد آزقالیرکی آخشام اولسون
عومورون سو تك آخيب گئده ر، دولغون گؤلون-چالان يوخدو
بولاق کیمین جوشوب قایناهممشه سن حاققاساري
اودنيادا اوندان باشقا، سنه كــومك اولان يوخـدو
هارا"ی طبعين جوشغون گلير، آخاراولسون حيات بويو "
بوسئويملي وطنين تك، هئچ اولكه سي اولان يوخــدو
هارای .......................................
دریاکیمین جوشوب قاینارام سنسیز
من هراوخیانداعومورکیتابین
سنسیزلیک گونومده آغلارام سنسیز
